The world of football go witness anoda epic final match between archrivals, Brazil and Argentina for Copa America 2021. This epic duel will see Lionel Messi on one side and Neymar on the other, two of the greatest players on the planet.
Na 10 South American kontris participate for 47th edition of Copa America wey dem bin schedule for 2020, but dem postpone am to 2021 sake of coronavirus outbreak.
Argentina reach final after the semi-final win against Colombia for penalty shootout afta dem play 1-1- draw for regulation time.
defending champions Brazil enter final afta dem beat Peru 1-0 wit first half goal from Lucas Paqueta.
Copa America final 2021
Venue of Copa America final
Na Brazil dey host 2021 Copa America Tournament in five venues of Brasília, Goiânia, Cuiabá and Rio de Janeiro.
But na for prestigious Maracaná Stadium for Rio de Janeiro dem go play final.
Brazil dey hope for dia 10th title for South American championship while victory for Argentina go make dem become 15 time winners of tournament.
major player to watch out for ahead of Copa America final match na Lionel Messi fore Argentina and Neymar for Brazil.
Brazil: Ederson Moraes, Danilo, Marquinhos, Thiago Silva, Renan Lodi, Casemiro, Fred, Everton, Lucas Paqueta, Richarlison, Neymar.
Argentina: Emiliano Martinez, Nahuel Molina, Nicolas Otamendi, German Pezzella, Nicolas Tagliafico, Rodrigo De Paul, Guido Rodriguez, Giovani Lo Celso, Lionel Messi, Lautaro Martinez, Nicolas Gonzalez.
Since football history Brazil and Argentina don meet 107 times – but na only few times dem don meet for final of major tournaments.
rivalry between Brazil and Argentina na one of oldest and most popular for world.
Sabi pesin for football China Acheru say Copa America final go dey very special for Barcelona captain Lionel Messi wey dey pursue im first international trophy “dis match fit be Messi last tournament for im kontri,” im tok.
Acheru say: “Brazil don show quality since tournament start and dem be huge threat to Argentina success. But because of Argentina depth and experience plus Messi influence Argentina go win match 2-1.”